Börn í 100 ár – saga Íslands á 20. öld 

Árið 1908 var fyrst stofnaður barnaskóli í Borgarfirði, þar sem nú er Grunnskólinn í Borgarnesi. Á afmælisárinu 2008 var opnuð í Borgarnesi sýning um líf barna á Íslandi árunum 1908 til 2008. 

Á sýningunni er lögð áhersla á ljósmyndir og þær settar í skemmtilegt samhengi við muni liðins tíma.  Þannig má sjá sögu þjóðarinnar á 20. öld út frá sjónarhóli og umhverfi barna á þessum tíma. 

Sýningin er þannig sett upp að það er eins og gestir gangi inn í risavaxið myndaalbúm, þar sem hægt er að opna veggina eins og jóladagatal.

Sýningin er opin á sumrin (1. júní - 1. september) alla daga frá 13-18 og á veturna eftir samkomulagi.

Hún hentar jafnt fyrir börn sem fullorðna og jafnt fyrir Íslendinga sem erlenda ferðamenn. Bæklingar liggja frammi á íslensku og ensku.

Óskað er eftir að látið sé vita sérstaklega af komu hópa svo nægilega sé mannað til móttöku.

Safnahús Borgarfjarðar er staðsett við Bjarnarbraut 4-6 í Borgarnesi, í nágrenni Landnámsseturs. Sjá kort hér.

Aðgengi að sýningunni er afar gott, gengið er inn á jarðhæð og hjólastólar komast vel um svo dæmi sé tekið.

Aðgangseyrir er kr. 600 fyrir fullorðna, en ókeypis fyrir börn allt að 16 ára aldri. Eldri borgarar, námsmenn og öryrkjar: 400 kr. Hópar (10 eða fleiri) greiða 300 kr. á mann á venjulegum opnunartíma. Þurfi að opna safnið sérstaklega greiða hópar 500 kr á mann.

Sími: 430 7200, netfang: safnahus@safnahus.is